第二篇 《幸运的快递员》第四章（1 / 2）

能量耗尽

最近几日，伊毛城的即开型彩票脱销，无论系福利彩票抑或系体育彩票。

有一个人，响发现左自己副眼镜有个神奇功能之后，就火力全开，全城搜罗即开型刮刮乐彩票。

俾雷劈中果副墨超眼镜，戴上之后，能够睇得见彩票的中奖级别（以颜色来区分，睇得到彩票的回报率（即数字百分比目前，只发现可以应用响即开型彩票，唔分边个机构发行，只要系即开型彩票就得。

获知呢个秘密，徐建宗开心到行起路噶时候都带住风。因为凭借副眼镜，佢好快可以成为百万富翁，买楼同埋娶佟花过门。

“你好，你的账户到账2万1千元正。”“你好，你的账户到账9千元正。”类似的语音信息接二连三咁从手机发出，徐建宗最近几日听到耳熟能详，可以倒背如流。

望住账户的金额不断咁增加，又望住台面一堆彩票，再留意彩票散发紧噶光芒，，然后谂吓放响电鸡个蛋糕箱里面果部分未搬出来噶彩票，真系开心到觉都训唔着。

哩几日，佢无去上班送外卖，编个理由请假，开住部心爱的电动鸡，周围兜，行尽成个伊毛城，一碰到有彩票销售点，佢就入店问有无即开型彩票出售，有就马上入货，仲系拣晒有得中奖噶来买，买完就车晒堆宝贝返出租屋刮刮刮。

佢第一日中奖之后，马上就拿彩金入花店买左99支红玫瑰返去氹佟花，结果就俾佟花闹佢乱咁使钱；当晚就同未来老婆去高级西餐厅锯左餐成千文噶澳洲m5和牛牛扒套餐，享受金钱带来的快乐。叹紧和牛同红酒果阵时，佟花问佢做咩突然咁疏爽舍得，系唔系做过咩亏心事，徐建宗就话自己对佟花系一条心，如实透露自己买彩票，行中牛屎运，接连刮中几个大奖，加加埋埋有几万蚊，反正钱系用来使，唔使唔安乐。只不过，保留同隐瞒左系通过眼镜赢取彩金果部分。

刮完手上果张散发荧光蓝的彩票，正想扫码兑奖。忽然，眼镜里面有个白色的框出现。一个电池的外型的框。而且，白色只剩低一半。瞬间，徐建宗已经反应过来，眼镜的电量原来唔系无限。换言之，佢个百万富翁梦，实现噶时间同眼镜的残余电量息息相关。

眼镜可唔可以充电嘎？不过，睇晒成个眼镜都唔会响呢副墨超揾到充电口，唔可以按正常方式充电。

难道要再俾雷劈？太危险，万一劈左充唔入电。又或者，劈中自己点算……

思前想后，设想左几个方案，都系觉得无一个系行得通。

算数，趁住仲有电，再去买彩票，刮到几多系几多，徐建宗谂好主意，反而轻松……